Stel jouself voor dat jy onder die Afrika son in ‘n wingerd staan waarin amper elke tafeldruif soort in oorvloed floreer. Van die valleie van die Berg- en Hex Riviere tot die Bosveld in die tropiese noorde, van die voet van Tafelberg in die Wes Kaap tot die droë woestynlandskap van die Oranjerivier. Dit is hier waar die mens en die natuur die diverse klimate en grondtipes kombineer om druiwe van uitstaande gehalte te produseer.

Dink aan ‘n plek waar mense van alle kulture en geloofsoorwegings  saamwerk om ‘n gesamentlike doel te bereik – produksie van die beste druiwe in die wêreld. Die verhaal van Suid Afrikaanse druiwe is ‘n verhaal van mense, hul doen en late, van geleenthede, van verbetering en die skep van ‘n toekoms vir almal wat in die industrie betrokke is.

Hierdie is die tuiste van SATI, die verenigde Suid Afrikaanse Tafeldruif Industrie Vennootskap. Die vennootskap werk met toewyding om Suid Afrika se posisie, as voorkeur verskaffer aan die wêreld se handelaars, as volhoubaar te verseker terwyl ons die toekoms in beweeg.